ഈ വഴി നെയ്തതെന്
കാല്പ്പാടുകൊണ്ടാണ്.
മുള്ളുകള് കുടിച്ചുകക്കിയ
ചോരയാണതിന് കസവ്.
ഓരോ ശ്വാസത്തിലും
മരണത്തെ തുന്നിച്ചേര്ക്കും ജീവിതംപോലെ...
ഓരോ നിമിഷത്തിലും
വിരഹത്തില് വെന്തുവറ്റുന്ന പ്രണയങ്ങള് പോലെ....
അദ്വൈതമാണത്
ഇഴകള് പിരിച്ചെടുക്കാന് ശ്രമിക്കരുത്.
പൊന്നൂലുകൊണ്ടല്ല
പൊള്ളും വികാരങ്ങളില്
വിങ്ങും ഞരമ്പുകള്
മുറുക്കിയെടുത്തതീ വീണ.
മീട്ടരുതപശ്രുതി.
